દૂધમાંથી બનેલા પદાર્થોનું સેવન કરવું તે શરીર માટે ખુબ જ ફાયદાકારક માનવામાં આવે છે, જેમ કે દહીં, પનીર અને છાશ. આ બધી જ વસ્તુઓ આપણા શરીરમાં એક પ્રકારની ઠંડક આપતી હોય છે. ત્યારે આજે અમે તમને જણાવીશું દરરોજ છાશ પીવાના ફાયદાઓ.. ખાસ કરીને કેટલાક લોકોને ભોજનની સાથે છાશ પીવાની ટેવ હોય છે. તો આવો જાણીએ છાશ પીવી શરીર માટે કેટલી ગુણકારી છે.

– ભોજન દરમિયાન દરરોજ છાશ પીવાથી તમારો ચહેરો ચમકીલો બને છે. તેમજ ચહેરામાં એક અલગ ચમક આવે છે.

– ખાસ વાત તો એ છે કે જો તમે ખાવાનું ખાધા પછી છાશ પીશો તો તમને સાંધાના દુખાવામાંથી રાહત મળે છે.

– જો તમે ગરમીવાળા વાતાવરણમાં વધારે રહેતા હોવ તો ગરમીને દૂર કરવા માટે વડની ડાળીને લઈને વાટીને તેને છાશમાં નાંખીને પીવાથી શરીરને ઠંડક મળે છે.

– આજકાલ ઘણા લોકો એસીડીટીની સમસ્યાથી પીડાતા હોય છે. તો છાશના મિશ્રણમાં મરી, અને સિંધાણું નાખીને પીવાથી એસીડીટીની સમસ્યા દુર થાય છે.

– દરરોજ છાશનું સેવન કરવાથી તમને તરત જ ઉર્જા મળે છે કારણકે આમાં હેલ્ધી બેકટેરિયા અને કાર્બોહાઈડ્રેટ હોય છે. જેનાથી તમારા શરીરની રોગપ્રતિકાર શક્તિ વધે છે.

– જો તમને કબજીયાતની ફરિયાદ વધારે રહેતી હોય તો તમે છાશમાં અજ્વાઈન નામની વનસ્પતિ ભેળવીને તેનું સેવન કરો, આથી કબજિયાતમાં ઘણો બધો ફાયદો થશે.

– ગરમીની શરૂઆત થઇ ગઇ છે. તો ઘણા લોકો ગરમીમા્ તેનું સેવન વધારે પ્રમાણમાં કરતા હોય છે. ગરમીમાં પેટની સફાઈ કરવા માટે છાશમાં ફુદીનો ભેળવીને પીવો. દરેક સમસ્યાથી રાહત મળશે.

– જો તમે ડાયટિંગ કરો છો તો તમે દરરોજ એક ગ્લાસ છાશ જરૂરથી પીવો. કારણકે આમાં અઢળક પોષકતત્વો રહેલા હોય છે. જે આપણા શરીર માટે ખુબ જ ઉપયોગી બની રહે છે.

Source link —> sandesh.com/benefits-of-butter-milk-for-health-disease-diabetes/